جینوا : یمنی امن مذاکرات بغیر کسی نتیجہ کےختم ہوگئے، فریقین نے ایک دوسرے پر مذاکرات سبوتاژ کرنے کا الزام عائد کیا ہے۔
مذاکرات میں شامل فریق ایک دوسرے پر مذاکراتی عمل کو سبوتاژ کرنے کا الزام لگا رہے ہیں، حوثی قبائلیوں نے مذاکرات میں فضائی حملے محدود کرنے والی جنگ بندی کی بات تو کی تاہم انہوں نے زمین پر جاری جنگ روکنے کا کوئی ذکر نہیں کیا۔
اس تجویز کو منصور ہادی حکومت نے مسترد کرتے ہوئے مکمل فائر بندی پر زور دیا، دونوں فریقین کا فائر بندی پر تو اتفاق ہے لیکن اسکی تفصیلات طے ہونا باقی ہیں، حوثیوں نے مذاکرات سے پہلے انسانی بنیادوں پر فائربندی کی درخواست کی تھی۔
یمنی حکومت نے اس شرط یہ مطالبہ ماننے کا عندیہ دیا تھا کہ حوثی قبائل اقوام متحدہ میں منظور کی جانے والی قرارداد پر عمل کریں، جس میں حوثی شہروں سے انخلا اور لوٹا گیا اسلحہ واپس کرنے کے پابند ہیں۔