کراچی : تاجروں کی ملک گیرتنظیم ایف پی سی سی آئی کےنومنتخب صدر نےاپنی پہلی پریس کانفرنس میں ہی حکومت سےجنرل سیلزٹیکس کوسترہ فیصد سےنیچےلانےکامطالبہ کردیا۔
حکومت نےحال ہی میں مالی نقصان عوام کی جیبوں سےپوراکرنےکیلئے تیل مصنوعات پرعائد جی ایس ٹی کو سترہ سےبڑھاکر بائیس فیصدکردیا ہے،جس کو ایف پی سی سی آئی کےنومنتخب صدر میاں ادریس اور دیگر تاجر رہنماؤں نےسخت تنقیدکانشانہ بنایا۔
تاجروں کامطالبہ تھاکہ حکومت سیلزٹیکس کی موجودہ شرح سترہ فیصد میں کمی کرے۔تاجروں نےکہاکہ حکومت سال دوہزار پندرہ کو امن کےساتھ معاشی بحالی کاسال بھی قرار دے۔اُن کاکہناتھاکہ بیمارصنعتوں کی بحالی اورکاروباری لاگت میں کمی کیلئےٹھوس اقدامات کئےجائیں۔
