کراچی :حیدر آباد میں دومکانوں کے گرنے کے نتیجے میں ہونے والی ہلاکتوں پر ایم کیوایم کے قائد الطاف حسین اور وزیر اعلی سندھ نے افسوس کا اظہار کیا ہے۔
حیدرآباد میں پیش آنے والے افسوسناک واقعہ پر سیاسی رہنماوں کی جانب سے افسوس کا اظہار کیا گیا، ایم کیوایم کے قائد الطاف حسین نےعمارتوں کے گرنے سے قیمتی جانوں کے ضیاع پر افسوس کا اظہار کیا اور جاں بحق ہونے والے افراد کے لئے دعائے معفرت اور سوگوار کے لواحقین سے اظہار تعزیت کی ۔
وزیراعلی سندھ سید قائم علی شاہ نے افسوسناک واقعہ پر افسوس کا اظہار کرتے ہوئے ہلاکتوں کا نوٹس لے لیا اور کمشنر حیدرآباد سے رپورٹ طلب کرلی ہے، وزیراعلی سندھ نے امدادی کارروائیاں تیز کرنے اور زخمیوں کو فوری طبی امداد دینے کی ہدایت کی۔
سندھ کے وزیر صحت ڈاکٹر صغیر احمد نے واقعہ پر افسوس کا اظہار کیا اور واقعہ کی رپورٹ طلب کرلی ہے۔ ڈاکٹر صغیر نے زخمیوں کو ہر ممکن طبی امداد فراہم کرنے کی ہدایت کردی ہے۔
