پشاور: خیبرپختونخواہ کے بلدیاتی انتخابات میں دھاندلی کی شکایات کے ازالے کے لئے ڈسٹرکٹ ریٹرننگ افسران نے 26 پولنگ اسٹیشنوں میں دوبارہ انتخابات کرانے کا فیصلہ کیا ہے۔
تفصیلات کے مطابق آج پیرکی صبح پشاورمیں ڈسٹرکٹ ریٹرننگ افسران کا اجلاس منعقد ہوا۔
منعقدہ اجلاس میں پریذائیڈنگ افسران کی جانب سے دی جانے والی دھاندلی کی شکایات پرتبادلۂ خیال کیا گیا۔
کئی ضلعی کاؤنسلز کے پریذائیڈنگ افسران نے تحریری طور پرشکایت درج کرائی تھی کہ ان کے حلقے میں دھاندلی کے لئے جعلی ووٹ کاسٹ کئے گئے اوربیلٹ باکس توڑے گئے۔
ریٹرننگ اجلاس نے شکایات کا جائزہ لیتے ہوئے 26 پولنگ اسٹیشنوں میں دوبارہ انتخابات کا انعقاد کرانے کا حکم دے دیا۔
دوبارہ انتخابات ماشو خیل، ہزارخوانی اور غلہ گودام سمیت دیگرضلعوں میں انتخابات کا انعقادکرایا جائے گا۔
Comments
- Advertisement -
