واشنگٹن: امریکہ اور اتحادی افواج کےعراق اورشام میں داعش کے ٹھکانوں پر فضائی حملوں میں چیک پوائنٹس،مشتبہ گاڑی اورجنگی اڈے تباہ کر دئیے گئے ہیں۔
امریکی محکمہ دفاع کی جانب سے ایک بیان میں کہا گیا ہے کہ امریکہ اوراتحادی افواج نےعراق اورشام میں داعش کے زیر کنڑول علاقوں میں فضائی حملے کر کے متعدد چیک پوائنٹس، بارودی مواد سے بھری گاڑیوں اورجنگی اڈوں کو تباہ کردیا ہے۔
امریکی محکمہ دفاع کی جاری کی گئی ویڈیو میں عراق میں موصل جبکہ شام میں رقعہ اور کوبانی میں داعش کے ملٹری کیمپس اور چیک پوائنٹس کوتباہ کرتے دکھایا گیا ہے۔
- Advertisement -
دوسری جانب دی گارجین نے اپنی رپورٹ میں کہا ہےکہ داعش کے خود ساختہ خلیفہ البغدادی مارچ میں ہونے والےحملے میں شدید زخمی ہیں اوروہ اب تک اپنی تنظیم کی سربراہی کرنے سے قاصر ہیں۔
