ابیزا :دنیا میں کروڑوں لوگ میں ایک طرف ایسے لوگ ہیں، جو صاحبِ حیثیت ہیں، ایسے لوگوں کے لئے عیاشی کا بھی پورا انتظام ہوتا ہے دوسری طرف ایسے لوگ جن کو غربت کے باعث دو وقت کی روٹی بھی میسر نہیں۔
ایسی ہی ایک جگہ جزیرہ ابیزا میں سبلی موشن کے نام سے ریسٹورنٹ قائم ہے، اس ریسٹورنٹ کا شمار دنیا کے مہنگے ترین ریستورانوں میں کیا جاتا ہے۔ یہاں پر آپ ایک وقت کا کھانا صرف 1,250 پاﺅنڈ (قریباً دو لاکھ آٹھ ہزار پاکستانی روپے) فی کس کے حساب سے کھا سکتے ہیں۔
ریسٹورنٹ کا مالک پاکو رینکورہ نامی ایک ہسپانوی شیف ہے، انکا کا کہنا ہے کہ ابیزا میں ہوٹل چلانا بے حد مہنگا ہے اور جس کوالٹی کی سروس سبلیموشن میں فراہم کی جاتی ہے، اس سے کم قیمت میں ممکن نہیں۔
اس نئے ریسٹورنٹ میں جدید ترین ٹیکنالوجی کا استعمال کیا گیا ہے اور کھانے کے دوران ارد گرد کا ماحول مسلسل تبدیل ہوتا رہتا ہے۔ کمرے کا درجہ حرارت، خوشبو اور نمی کا تناسب کھانے کی ڈش کی مطابقت سے تبدیل ہوتے رہتے ہیں۔
ریسٹورنٹ میں صرف 12 لوگوں کے بیٹھنے کی جگہ ہے اور یہاں کھانے کے لئے انتظار کرنے والوں کی فہرست دن بدن طویل ہوتی جارہی ہے۔
