کراچی : ایڈیشنل ڈسٹرکٹ اینڈ سیشن جج غربی نوشابہ غازی نے سانحہ بلدیہ کیس کے تفتیشی افسرانسپکٹر جہانزیب کی قابل ضمانت وارنٹ گرفتاری جاری کرتے ہوئے تنخواہ روکنے کا حکم جاری کردیا۔
سانحہ بلدیہ فیکٹری آتشزدگی مقدمے کی سماعت ایڈیشنل سیشن جج نوشابہ غازی نے کی۔عدالت نےتفتیشی افسر انسپکٹر جہانزیب کی عدم پیشی پرسخت برہمی کا اظہارکرتے ہوئےقابل ضمانت وارنٹ جاری کردیئے۔
عدالت نےتفتیشی افسرکی تنخواہ روکنے کے ساتھ حکم دیا کہ انسپکٹرجہانزیب کوآئندہ سماعت پر گرفتار کرکے پیش کیاجائے۔دوران سماعت اسپیشل پبلک پراسیکیوٹر نے مقدمہ سے علیحدگی کے خط کی تحریری کاپی عدالت کو فراہم کردی،
سماعت کے دوران فیکٹری مالکان عبدالعزیز بھائلہ ،ارشد بھائلہ اور شاہد بھائلہ عدالت میں پیش نہیں ہوئے، عدالت نے آئندہ سماعت پر ارشد بھائلہ اور شاہد بھائلہ کے میڈیکل سرٹیفکیٹ طلب کرلئے۔ کیس کی آئندہ سماعت سات مارچ کوہوگی۔
