لندن: برطانیہ کے شاہی خاندان میں شہزادی کی پیدائش ہوئی، شہزادہ ولیم کی اہلیہ شہزادی کیتھرین میڈلٹن نے بیٹی کو جنم دیا ہے۔
شاہی جوڑے کی رہائش گاہ کنگسٹن پیلس کی جانب سے جاری کیا گیا ہے کہ زچہ و بچہ دونوں خیریت ہیں، پیدا ہونے والی بچی کا وزن آٹھ پاؤنڈ اور تین اونس ہے اور وہ صحت مند ہے۔
شاہی بچی کی ولادت سنٹرل لندن کے سینٹ میری اسپتال میں ہی ہوئی جہاں دو سال قبل جولائی 2013 میں شاہی جوڑے کے ہاں پہلا بچہ شہزادہ جارج پیدا ہوا تھا۔
بچی کی پیدائش کی خبر سنتے ہی اسپتال کے قریب کئی روز سے موجود لوگوں نے خوشی کا اظہار کیا اور نعرے لگائے۔
وزیراعظم ڈیوڈ کیمرون نے سماجی رابطوں کی ویب سائٹ ٹویٹر پر ایک پیغام میں کہا ہے کہ وہ اس خبر سے بہت خوش ہوئے ہیں اور وہ شہزادے اور شہزادی کو بیٹی کی پیدائش پر مبارک باد پیش کرتے ہیں۔
Congratulations to the Duke and Duchess of Cambridge on the birth of their baby girl. I’m absolutely delighted for them.
— David Cameron (@David_Cameron) May 2, 2015
