قطر:افغان اورطالبان وفدکےدرمیان مذاکرات میں طالبان کاسیاسی دفتردوحامیں دوبارہ کھولنےپراتفاق ہوگیاہے ۔طالبان نے غیرملکی افواج کے انخلاتک سیزفائرکے مطالبے کوتسلیم کرنےسےانکارکردیا ہے۔
غیر ملکی نیوز ایجنسی کے مطابق قطرمیں افغان اورطالبان وفدکےدرمیان مذاکرات میں طالبان کاسیاسی دفتردوحامیں دوبارہ کھولنےپراتفاق ہوگیا ہے جبکہ مذاکرات میں غیرملکی افواج کوافغانستان سےنکالنےپراتفاق نہیں ہوسکا۔
غیرملکی نیوز ایجنسی کا کہنا ہے کہ افغان حکومت اور طالبان میں ہونے والے مذاکرات میں طالبان کی طرف سے دہشت گردوں کی فہرست پرنظرثانی اورفہرست سےطالبان رہنماؤں کےنام نکالے نے کا مطالبہ کیا گیا ہے۔
نیوز ایجنسی کا کہنا ہے افغان وفدنےطالبان سےسیزفائرکامطالبہ کیا،تاہم طالبان نے اس مطالبے کو رد کرتے ہوئے کہا ہے کہ غیرملکی افوج کے مکمل انخلاتک سیزفائرممکن نہیں۔
نیوزایجنسی کے مطابق مذاکرات میں چالیس سےزائدافرادشریک ہوئے جس میں افغان خواتین بھی شامل تھیں
