لاہور:حکومت کی جانب سے کئے گئے ڈاکٹر طاہرالقادری سے مذاکرات کے تمام رابطے ناکام ہوگئے،طاہر القادری نے گورنر پنجاب چوہدری سرور اور دیگروزرأ کا فون سننےسےا نکار کردیا۔
ذرائع کے مطابق طاہر القادری سے حکومت نے علما و مشائخ اور سیاسی رہنماوں کے ذریعے رابطہ کیا لیکن انہوں نے وفاقی صوبائی وزرا اور گورنر پنجاب کے ٹیلی فون بھی سننے سے انکار کردیا، حکومت نے برطانیہ سے ایک روحانی مذہبی شخصیت کے ذریعے بھی رابطہ کیا،مگر ناکامی رہی، اور عوامی تحریک کے سربراہ نے حکومت کی ایک نہ سنی۔
تفصیلات کے مطابق پانچ نکاتی قرارداد پر عملدرآمد کروایا جائے پھر بات ہوسکتی ہے۔ اے پی سی کی قرارداد میں وزیراعلٰی کے استعفے، سانحہ ماڈل ٹاون کی ایف آئی آر کے اندراج، سپریم کورٹ کے تین ججوں پر مشتمل کمیشن کی تشکیل جیسے مطالبات شامل ہیں۔