کراچی : حلقہ این اے 246 میں ایم کیوایم کےامیدوارکنورنوید جمیل نےالزام لگایا ہےکہ پی ٹی آئی کےامیدوارکےساتھ جرائم پیشہ افراد گھومتے ہیں، پی پی آئی کے جرائم پیشہ افراد پی ٹی آئی میں رہنمابن گئے۔
ان خیالات کا اظہار کنور نوید جمیل نےاپنےبیان میں کیا انہوں نے کہا کہ سکہ بند جرائم پیشہ افراد کی اس طرح تحریک انصاف کے امیدوار اور عہدیداروں کے ساتھ ساتھ موجود گی سے اصل عزائم اور اصل چہرہ سامنے آگیا۔
انہوں نے کہا کہ کٹی پہاڑی سے جرائم پیشہ افراد کو تحفظ بھی پی ٹی آئی کی صفوں سے ہی ملتا ہے۔ کنور نوید کا کہنا تھا کہ سندھ انتظامیہ کو ایم کیوایم کی آنکھ کا تنکا تو نظر آجاتا ہے لیکن پی ٹی آئی کی آنکھوں کا بانس دکھائی نہیں دیتا۔
انہوں نے الزام لگایا کہ اسّی کی دہائی کی لسانی جماعت پنجابی پختون اتحاد سے تعلق رکھنے والے جرائم پیشہ افراد کو بڑی تعداد پی ٹی آئی میں لیڈر بننے کا موقع فراہم کیا گیا۔
کنورنوید جمیل نے کہاکہ پی ٹی آئی کو حلقے میں کارکن نہیں مل رہے، ان کو پولنگ ایجنٹ دستیاب نہیں، وہ صرف ٹکراؤ اور تصادم سے انتخابی مہم کو میڈیا کی زینت بنا رہی ہے۔
