غزہ : اسرائیل اور حماس کے درمیان باہتر گھنٹوں کی جنگ بندی جمعےکی صبح ختم ہو رہی ہے، حماس نے جنگ بندی میں توسیع کے لئے اسرائیل سےغزہ کا سات سال سے جاری محاصرہ ختم کرنے کا مطالبہ کیا ہے۔
اسرائیل اورحماس کے درمیان جنگ بندی میں توسیع کے لئے مصر کی کوششیں جاری ہیں، قاہرہ میں اسرائیلی اورفلسطینی اتھارٹی کے نمائندوں کے درمیان مذاکرات ہورہے ہیں، امریکی صدر براک اوباما نے کہا ہے کہ جنگ بندی برقرار رہے گی تو غزہ میں بحالی کا کام ہوسکے گا۔
حماس نے غزہ کا محاصرہ ختم کرنے کی شرط پر جنگ بندی میں توسیع پر رضا مندی ظاہر کی ہے، ادھرغزہ میں عارضی جنگ بندی کے دوران ہزاروں فلسطینیوں نے اپنے تباہ حال گھروں کو لوٹنا شروع کردیا ہے ، کئی مقامات پر ملبے سے شہداء کی لاشیں نکالی جارہی ہیں، جنگ بندی کے بعدغزہ میں کھانے پینےکی اشیاء اور دواؤں کی فراہمی بھی شروع ہوگئی ۔
دوسری جانب ناروے میں غزہ کی بحالی کے لئے فنڈز اکٹھا کرنےکیلئے کانفرنس کی تیاریاں جاری ہیں۔
