نیویارک: لگژری گاڑیاں بنانے والی کمپنی ٹونینو لیمبوروگھینی نے اپنا اینڈرائیڈ فون ’ٹوری 88‘ لانچ کردیا ہے اور اس کی قیمت چھ ہزار ڈالر(چھ لاکھ روپے) رکھی گئی ہے۔
ایسی گاڑیاں رکھنے والے افراد کو اکثر یہ شکوہ رہتا تھا کہ انہیں اپنا موبائل میچ کرنے میں کافی مشکلات کا سامنا رہتا ہے اور اسکے پیشِ نظر کمپنی نے اپنا موبائل لانچ کردیا ہے۔
اگر چہ اس موبائل کی قیمت بہت ہی زیادہ ہے لیکن جو لوگ اس کمپنی کی شاندارگاڑیاں استعمال کرتے ہیں، انہیں یہ موبائل بہت پسند آیا ہے۔اس موبائل کا ڈسپلے پانچ انچ، انٹرنل میموری اور اس میں مائیکرو ایس ڈی کارڈ بھی لگایا جاسکتا ہے، اس میں 20پچھلی جانب اور 8آگے کی جانب کیمرہ بھی موجود ہے۔
اس موبائل کی باڈی اسٹیل کی ہے، موبائل کی باڈی گولڈ، سیاہ رنگ میں بنائی گئی ہے جبکہ اس میں چمڑے کے مختلف رنگ بھی استعمال کئے گئے ہیں، یہ موبائل اسی مہینہ لانچ کیا گیا ہے اور صرف 1947سیٹ بنائے گئے ہیں۔
ماہرین کا خیال ہے کہ اس قیمت میں یہ موبائل بہت مہنگا ہے لیکن جو لوگ اس کمپنی کی مہنگی ترین گاڑیاں استعمال کرتے ہیں ان کے لئے یہ کوئی بڑی قیمت نہیں۔
