کراچی : لیاری میں گینگ وار ملزمان نے تین افراد کو قتل کردیا، نارتھ ناظم آباد سے پولیس نے ایک ملزم زخمی حالت میں گرفتار کرلیا۔
تفصیلات کے مطابق لیاری میں گینگ وار ملزمان نے تین افراد کو قتل کردیا، مختلف علاقوں میں فائرنگ کے واقعات میں پولیس اہلکار سمیت چار افراد زخمی ہوگئے۔
پولیس کے مطابق لیاری کے علاقے بہار کالونی میں گینگ وار ملزمان نے مخبری کے شبے میں تین افراد کو قتل کردیا ، مقتولین کی شناخت ندیم ،شعیب ، شانی کے ناموں سے ہوئی ہے ،جن کی لاشوں کو ضابطے کی کارروائی کے لیے سول اسپتال منتقل کردیاگیا۔
- Advertisement -
نارتھ ناظم آباد میں مبینہ پولیس مقابلے میں ایک ملزم کو زخمی حالت میں گرفتار کرلیا گیا، واقعے میں ایک اہلکار زخمی ہوگیا۔
شاہنواز بھٹو کالونی سے ایک شخص کی تشدد زدہ لاش ملی،کورنگی اور ملیر میں فائرنگ کے مختلف واقعات میں تین افراد زخمی ہوگئے۔
