لاہور: وزیراعظم کے اہل خانہ کی ملازمہ کو غیر قانونی طور پر اپ گریڈ کرنے والے پی آئی اہلکار کی معطلی کے احکامات کی کاپی اے آر وائی نیوز نے حاصل کرلی ہے ۔
پی آئی اے پسینجر سروس کے سپروائزر صابر حسین کو تین روز کے لئے معطل کیا گیا ہے، معطلی کے اس عرسے کے دوران صابر حسین کے ائیر پورٹ حدود میں داخلے پر بھی پابندی ہوگی، ذرائع کے مطابق صابر حسین کی معطلی پر پی آئی اے کے افسران میں شدید بے چینی پائی جاتی ہے، ان افسران کا کہنا ہے کہ وزیر اعظم، وزیر اعلیٰ اور دیگر سینئر حکومتی عہدیداروں و دیگر اعلیٰ شخصیات کو پروٹوکول ملتا ہے، اگر ان کو پروٹوکول دینا جرم ہے تو پھر باقاعدہ پابندی لگائی جائے۔
یاد رہے کہ منگل کی صبح لندن جانے والی پی آئی اے کی پرواز پی کے 757 سے بیگم نواز شریف، مریم نواز شریف اپنے تین بچوں اور ملازمہ روبینہ کے ہمراہ لندن گئیں، ملازمہ روبینہ کو اکانومی کلاس سے بلا کر کلب کلاس میں بٹھانے کی خبر سب سے پہلے اے آر وائی نیوز نے بریک کی تھی، جس کے بعدملازمہ کو واپس اکانومی کلاس میں بٹھا دیا گیا تھا اور اس غیرضروری پروٹوکول پر پی آئی اے کے افسر کی شامت آگئی۔
اے آروائی نیوز پر خبر نشر ہونے کے بعد مریم نواز نے مکمل طور پر اس واقع سے لا تعلقی کا اظہار کیا ہے، مریم نواز کا اپنے ٹویٹ میں اے آر وائی نیوز کو تنقید کا نشانہ بناتے ہوئے کہنا تھا کہ اے آر وائی پر نشر ہونے خبر جھوٹ پر مبنی ہے۔
ARY aired a completely false & fabricated news about me. Nothing of this sort even happened. Not yellow but gutter journalism. Shame!
— Maryam Nawaz Sharif (@MaryamNSharif) September 16, 2014
جبکہ اے آر وائی نیوز نے پی آئی اے اہلکار صابر حسین کی معطلی کے احکامات کی کاپی حاصل کرلی ہے۔
