معروف پسِ پردہ گلوکار مجیب عالم کی آج 11 ویں برسی منائی جارہی ہے، دلوں کولبھالینے والی یہ مدھر آواز 2 جون 2004 کو ہمیشہ کے لئے خاموش ہوگئی تھی۔
ان کا شماران گلوکاروں میں ہوتا تھا جنہوں نے اردو ہندی کے دیومالائی فنکار محمد رفیع کے انداز کی پیروی کرتے ہوئے گلوکاری کا آغاز کیا، تاہم مجیب عالم نے بہت جلد ہی اپنی ایک الگ پہچان بنانے میں کامیاب ہو گئے ہیں۔
فلموں میں ان کا ان کا پہلا مشہور گانا فلم ’’چکوری‘‘ کا تھا جو انہوں نے انیس سو سڑسٹھ میں گایا، اس گانے کی موسیقی روبن گھوش نے ترتیب دی تھی اوراس گانے پرمجیب کونگار ایوارڈ بھی دیا گیا۔
یہ گانا تھا ’وہ میرے سامنے تصویر بنے بیٹھے ہیں‘۔ اس کے بعد فلم شمع اور پروانہ کے لیے گائے ہوئے ان کے تمام گانے انتہائی مقبول ہوئے۔
ان گانوں میں تیرے اجنبی شہر میں، ڈھونڈتا پھر رہا ہوں تجھے، دل تیری یاد سے جب گھبرائے گا، میں تیرا شہرچھوڑ جائوں گا، بادلوں کے تلے ہم،تم نے وعدہ کیا تھا اورہم کھوگئے تیرے پیارمیں شامل ہیں۔ آپ کے زیادہ تر گانے ندیم ،وحید مراد اور محمد علی جیسے مایہ ناز فنکاروں پر عکس بند کئےگئے۔
اس کے بعد فلم گھراپنا گھر، آوارہ، انجان، ماں بیٹا، لوری اورمتعدد دوسری فلموں کے گانے شامل ہیں۔
نجیب عالم کو 2 جون 2004 کو دل کا دورہ پڑا جس سے وہ جانبر نہ ہوسکے، آپ کراچی میں آسودۂ خاک ہیں۔
