پرتھ: آسٹریلوی اوپنر ڈیوڈ وارنر نے افغانستان کے خلاف میچ میں اپنے شارٹ سے زخمی ہونے والے بچے سے ملاقات اور عیادت کی۔
ذرائع کے مطابق افغانستان کے خلاف میچ میں آسٹریلوی بلے باز ڈیوڈ وارنر نے جارحانہ بیٹنگ کرتے ہوئے خوب چھکے اور چوکے لگائے۔
افغانستان کے خلاف میچ میں وارنر نے ایک سو تینتیس گیندوں پر ایک سو اٹہتر رنز کی جارحانہ اننگز کھیلی، ان کی اننگز میں انیس چوکے اور پانچ چھکے شامل تھے۔
اننگز کے دوران ڈیورڈ وارنر نے اُڑتا ہوا چھکا مارا جس سے اسٹیڈیم میں موجود شائیقین کے درمیان بیٹھا بچہ زخمی ہوگیا۔
ڈیورڈ وارنر کی زور دار گیند لگنے سے معصوم بچے کے آنکھوں سے آنسو نکل گئے ، زخمی ہونے والے بچےکو فوری طور پر طبی امداد دی گئی۔
ذرائع کے مطابق میچ کے بعد ڈیوڈ وارنر نے زخمی ہونے والے بچے سے ملاقات کی اور اس کی خیریت دریافت کی۔
ڈیوڈ وارنر کا کہنا تھا کہ مجھے نہیں پتہ تھا کہ کیا ہوا تاہم گراؤنڈ میں لگی اسکرین میں انہوں نے دیکھا کہ ان کے شارٹ سے بچہ زخمی ہوا ہے۔
انہوں نے بچے کے والد سے سے بھی ملاقات کی اور افسوس کا اظہار کرتے ہوئے جلد صحتیابی کی اُمید ظاہر کی۔
آسٹریلوی اوپنر نے اپنے گلوز بھی زخمی بچے کو تحفہ کے طور پر دیئے۔
