لاہور: پاکستان تحریک انصاف کے سربراہ عمران خان کا کہنا ہے کہ دھاندلی کی تحقیقات کرائی جائیں ورنہ پھرنوازشریف حکومت نہیں کرسکیں گے۔
عمران خان پنجاب اسمبلی کے باہرمرکزی دھرنے سے خطاب کررہے تھے اورانہوں نے کہا کہ آپ 2013 کے الیکشن میں ہونے والی دھاندلی کے خلاف فیصلہ دے دیا۔
انہوں نے کہا کہ اگر ماڈل ٹاؤن سانحے پر رانا ثناء اللہ کو جیل میں ڈالا جاتا تو فیصل آباد میں قیمتی انسانی جانوں کا ضیاع نہیں ہوتا۔
انہوں نے کارکنوں سے کہا کہ میڈیااورخواتین کی حفاظت کرنی ہے۔
انہوں نے کہا کہ نواز شریف کے پاس دوراستے ہیں ایک جوڈیشل کمیشن بنا کر تحقیقات کرائیں اور دوسرا راستہ مشکل ہے آپ حکومت نہیں کرسکیں گے۔
ملک میں صاف اورشفاف الیکشن کا انعقاد چاہتے ہیں اوریہ ہمارا جمہوری حق ہے۔
انہوں نے کہا کہ بچے اور خواتین بھی اس احتجاج میں شامل ہیں اور جب بچے بچے کے منہ پر ایک ہی نعرہ ہے اور وہ ہے ’گو نواز گو‘۔
تحریک انصاف کے سربراہ کا کہنا تھا کہ ہم پر امن طریقے سے احتجاج کر کے انصاف طلب کررہے ہیں اورہم انصاف لے کررہیں گے۔
انہوں نے کہا کہ قوم جاگ گئی ہے اور اپنے حقوق سے واقف ہے۔ نواز شریف اور آصف زرداری کا احتساب کیا جائے گا۔
انہوں نے تقریر کے اختتام پر میر شکیل الرحمن کو مخاطب کرکے کہا کہ ’تم بکے ہوئے ہو میڈیا کا غلط استعمال نہ کرو‘۔
انہوں نے تقریر کے دوران اہلیانِ لاہور کا شکریہ ادا کیا بالخصوص تاجر برادری اور ٹرانسپورٹر کا شکریہ ادا کیا۔
Khan Aims To Remove Nawaz by arynews
