اسلام آباد : وزیر اعظم نواز شریف نےکابینہ کی کمیٹی برائے توانائی کا اجلاس آج طلب کرلیا۔ اجلاس میں توانائی منصوبوں پر پیش رفت کا جائزہ لیا جائے گا,جو وزیراعظم کی زیر صدارت آج وزیراعظم ہاؤس میں منعقد ہوگا۔
ذرائع کے مطابق اجلاس میں توانائی منصوبوں پر پیش رفت کا جائزہ لیا جائے گا جس پر ہنگامی بنیادوں پر کام جاری ہے ۔ وزیراعظم کوئلے اور ایل این جی سے بجلی پیدا کرنے کے منصوبوں کی خود نگرانی کررہے ہیں ۔
وزیراعظم نے توانائی کمیٹی کوہدایت دیں کہ وہ دن رات کام کرےتاکہ منصوبےبروقت مکمل ہوسکیں۔ اجلاس میں وفاقی وزراء سینیٹر اسحاق ڈار ، احسن اقبال ، شاہد خاقان عباسی ، خواجہ آصف ، عابد شیر علی اور وفاقی سیکریٹری شرکت کریں گے۔
