لاہور: انسدادِ دہشت گردی کی خصوصی عدالت نے اچھرہ دہشت گردی کیس کا فیصلہ سنادیا، عدالت نے جرم ثابت ہونے پرچاردہشت گردوں کو اکیس اکیس مرتبہ سزائےموت کاحکم سنادیا۔
انسدادِ دہشت گردی لاہور کی خصوصی عدالت کے روبرو سرکاری وکیل نے عدالت کوآگاہ کیا کہ دہشت گردوں نے اچھرہ پولیس ٹریننگ سینٹر میں خیبر پختونخوا سےتعلق رکھنے والے زیرِتربیت جیل وارڈنز پرحملہ کیا تھا۔
اس حملے کے نتیجے میں دس وارڈنز جاں بحق اور 22 شدید زخمی ہو گئے تھے، انہوں نے عدالت سے استدعا کی
کہ واقعہ میں ملوث دہشت گردوں کو سخت ترین سزا سنائی جائے۔
مجرموں کے وکلاء نے عدالت کو بتایا کہ ناکافی گواہوں اورثبوتوں کی بناء پرانہیں بری کیا جائےتاہم عدالت نے چاردہشت گردوں ذوالفقار،کرامت ،افضل اورعبدالحکیم کو جرم ثابت ہونے پر اکیس مرتبہ سزائے موت کاحکم سنا دیا۔
واضح رہے کہ چاروں دہشت گردوں کا تعلق کالعدم تحریک طالبان سے ہے۔
