اسلام آباد: وفاقی وزیر تجارت خرم دستگیرخان اور افغانستان کے وزیرخزانہ عمرزخلوال نے دونوں ممالک کے درمیان بارڈر پوسٹس سات دن کھلے رکھنے پر اتفاق رائے کیا ہے۔
تفصیلات کے مطابق اسلام آباد میں ہونے والی ملاقات میں وفاقی وزیرتجارت انجینئرخرم دستگیر خان نے کہا ہے کہ دو سالوں میں پاکستان افغان تجارت دوگنا کریں گے۔
انہوں نے کہاکہ طورخم اور چمن کی بارڈر پوسٹس کو اکیسویں صدی کی پوسٹ بنانے کیلئے پراجیکٹ کا آغازکردیا گیا ہے۔ انہوں نے کہاکہ پاکستان افغانستان میں اپنی مصنوعات کی پہچان بڑھانے کیلئے تجارتی نمائشوں میں اضافہ کرے گا۔
اس موقع پرافغان وزیر خزانہ کا کہنا تھا کہ پاکستان کے سرمایہ کار قندوز اور فاریاب میں قائم اسپیشل اکنامک زونز میں سرمایہ کاری کرسکتے ہیں، ملاقات میں وزیر ٹیکسٹائل عباس خان آفریدی ، افغانستان کے نائب وزیر تجارت مزمل شنواری بھی موجود تھے۔
