موجودہ حکومت نے یکم جولائی 2013ء سے 29 نومبر 2013ء تک 280 ارب روپے سے زائد مالیت کے نوٹ چھاپے ، وزارت خزانہ کے حکام کے مطابق اسٹیٹ بنک نے ملکی ضروریات پوری کرنے کیلئے مالی سال کے پہلے پانچ ماہ کے دوران مذکورہ تعداد میں نوٹ چھاپے ۔

حکام کے مطابق گزشتہ 3 سالوں کے دوران افغانستان کے راستے ساڑھے 15 ارب روپے سے زائد مالیت کے سامان تجارت کی اسمگلنگ ہوئی ، اعدادوشمار کے مطابق 2010-11ء میں 5 ارب 50 کروڑ 18 لاکھ، 2011-12ء میں 4 ارب 90 کروڑ 47 لاکھ اور 2012-13ء کے دوران 5 ارب 32 کروڑ 88 لاکھ روپے سے زائد کی سامان تجارت کی اسمگلنگ ہوئی، اس کے سدباب کیلئے کسٹم حکام نے اپنی کوششیں تیزکردی ہیں