فرانس: پولیس کمشنر ہیلرک فریڈو نے پیرس میں بارہ افراد قتل پر پولیس کمشنر نے خودکشی کرلی ہے، پاکستان میں ساٹھ ہزار سے زائد افراد کے قتل پر کسی نے استعفی تک نہ دیا۔
فرانس میں پولیس کمشنر نے پیرس میں دہشت گردوں کے ہاتھوں مارے جانے والے افراد کے رشتہ داروں سے ملاقات کے بعد خودکشی کرلی ہے، برطانوی میڈیا رپورٹ کے مطابق پولیس کمشنر نے اسی شب خود کشی کرلی تھی جب فرانسیسی میگزین پر حملہ ہوا تھا۔
پولیس کمشنر 2012 سے ڈپٹی ڈائریکٹر کے عہدے پر کام کر رہے تھے۔
واضح رہے کہ 5 روز قبل فرانس میں ایک ہفت روزہ میگزین چارلی ہیب ڈو کے دفتر پر مسلح افراد کی فائرنگ سے بارہ افراد ہلاک اور 20 زخمی ہوگئے, فرانسیسی میڈیا کے مطابق مسلح افراد نے دفتر میں داخل ہوکر اندھادھند فائرنگ کی اور موقع سے فرار ہوگئے،واقعے کے بعد فرانس میں سیکیورٹی کو ہائی الرٹ کردیا گیا ۔
فائرنگ کا واقعہ جس میگزین کے دفتر میں پیش آ یا وہ حالیہ دنوں میں داعش کے سربراہ ابوبکر البغدادی کا طنزیہ کارٹوں چھاپنے کے سبب عالمی افق پر زیر بحث تھا۔
فرانسیسی میڈیا کے مطابق حملے میں ملوث’حامدمراد‘نامی ملزم نے خود کو پولیس کے حوالےکردیا تھا جبکہ دیگر دونوں حملہ آور بھائی تھے، جن میں ایک کا نام’سعیدکوشی‘جبکہ دوسرا ’شریف کوشی‘ ہے، پولیس کی جانب سےدونوں بھائیوں کی خاکے بھی جاری کئے گئے۔
یاد رہے کہ چارلی ہیبدو نامی رسالے نے 2011 میں پیغمبر اسلام حضرت محمد ﷺ کے توہین آمیز خاکے اپنے سرورق پر شائع کیے تھے، جس کے بعد اس کے دفتر پر فائربموں کے ذریعے حملہ بھی کیا گیا تھا، جب کہ گذشتہ ہفتے اس میگزین نے داعش کے خلیفہ ابوبکر البغدادی کے حوالے سے ٹوئٹ کی تھی۔
