کارکنوں کےقتل میں سندھ حکومت ملوث ہے،رابطہ کمیٹی

کراچی: کارکن کی کھوکھرا پار تھانےمیں ہلاکت پر متحدہ قومی موومنٹ کراچی کی رابطہ کمیٹی نے پریس کانفرنس کرتے ہوئے الزام عائد کیا کہ پولیس نے فراز عالم کو رشوت نہ دینے پر موت کے گھاٹ اتارا ۔

ایم کیو ایم رابطہ کمیٹی کے انچارج قمرمنصور کا کہنا تھا کہ ایم کیوایم کےکارکنوں پرانسانیت سوزمظالم کاسلسلہ جاری ہے،فرازعالم پربہیمانہ تشددکیا گیااور گرفتاری کے بعد جھوٹےمقدمات درج کیےگئے۔
رابطہ کمیٹی نے الزام عائد کیا کہ کارکنوں کوماورائےعدالت قتل کرنے والے پولیس اہلکاروں کو سندھ حکومت کی سر پرستی حاصل ہے۔ کراچی آپریشن کی آڑمیں ریاستی تشددکیاجارہاہے۔

ایم کیو ایم رابطہ کمیٹی نے آرمی چیف،وزیراعظم اور چیف جسٹس سے اپیل کی کہ ماورائےعدالت قتل جیسے گھناونے واقعات کانوٹس لیں۔

Comments