کراچی:عائشہ منزل امام بارگاہ کے قریب دستی بم حملہ ہوا جس کے نتیجے میں ساتھ افراد زخمی جبکہ ایک بچی جاں بحق ہوگئی۔
کراچی کے علاقے عائشہ منزل پر امام بارگاہ کے قریب دستی بم حملہ ہوا ہے جس کے نتیجے میں ایک بچی جاں بحق اور خواتین سمیت 7 افراد زخمی ہوگئے، زخمیوں کو عباسی شہید اسپتال منتقل کردیا گیا ہے، پولیس اور رینجرز کی بھاری نفری نے علاقے کو گھیرے میں لے لیا ہے۔ پولیس کے مطابق دستی بم عائشہ منزل فلائی اوور سے پولیس موبائل پر پھینکا گیا تھا۔
پولیس کے مطابق امام بارگاہ میں خواتین کی مجلس ختم ہونے کے بعد لوگ نکل رہے تھے کہ ایک زور دار دھماکا ہوگیا، واقعے کے بعد رینجرز اور پولیس کی بھاری نفری نے امام بارگاہ کو گھیرے میں لے کر بم ڈسپوذل اسکواڈ کو طلب کرلیا۔
