وزیراعلی سندھ سید قائم علی شاہ کی پرانی سبزی میں منڈی کے قریب دھماکے کا نوٹس لے لیا ملزمان کے فوری گرفتاری کے احکامات جاری کردئے ہیں، وزیراعلی سندھ نے واقعہ کا نوٹس لیتے ہوئے آئی جی سندھ پولیس سے رپورٹ طلب کرلی ہے اور زخمیوں کو بہترین طبی امداد دی جائے۔
قائم علی شاہ کا دھماکے کے سبب شہید اور زخمی ہونے والوں کے لواحقین سے اظہارتعزیت کی ہے انہوں نے صوبائی سیکریٹری صحت کو زخمی افراد کو فوری طور پر بہترین طبی امداد فراہم کرنے کے احکامات دیتے ہوئے دھماکے کے نتیجے میں جاں بحق ہونے والے افراد کے لواحقین سے دکھ اور افسوس کا اظہار کیا ہے ۔
گورنر سندھ ڈاکٹر عشرت العباد خان نے پرانی سبزی منڈی کے قریب بم دھماکے کی مذمت کی ہے اورواقعہ کا نوٹس لیتے ہوئے آئی جی سندھ پولیس سے رپورٹ طلب کرلی ہے ۔
انہوں نے کہا کہ دہشت گردی میں ملوث عناصر کو گرفت میں لانے کے لئے فوری اور موثر کوششیں کی جائیں اور شہر بھر میں سیکیورٹی کے انتظامات کو مزید موئثر بنایا جائے.
