کراچی: پاک ترک بحری مشقیں شروع ہو گئیں ،فوجی مشقیں خشکی اور سمندر کے دونوں مراحل پر مشتمل ہے۔
ترک بحریہ کا جہاز ٹی سی جی بائیوکاڈا بحری مشق میں شرکت کیلئے کراچی پہنچا،پاکستان میں تعینات ترک بحری اتاشی اور پاک بحریہ کے سینئرافسران نےترک بحری جہاز کااستقبال کیا۔
ترک اور پاک بحریہ کی یہ مشق دونوں بحری افواج کے درمیان قائم تاریخی روابط کی عکاس ہے اور دونوں ملکوں کے مشترکہ دفاعی مفادات کی بھی واضح علامت ہے جس کے خطے کی سمندری حدود کی نگرانی اور دفاعی استحکام پر دور رس نتائج مرتب ہونگے۔
