کوئٹہ: جعفر ایکسپریس کو بم سے اڑانے کی کوشش ناکام بنادی گئی ہے، ریلوے ٹریک سے پانچ پانچ کلو وزنی دو بم برآمد کرکے ناکارہ بنادیئے گئے ہیں۔
پولیس کے مطابق کوئٹہ کے علاقے موسیٰ کالونی کے قریب نامعلوم افراد ریلوے ٹریک پر بم نصب کر رہے تھے کہ علاقے کے لوگوں نے پولیس کو اطلاع دی۔
جس پر بروقت کارروائی کرتے ہوئے ریلوے حکام نے ٹریک پر نصب بم سے صرف چند گز کے فاصلے پر راولپنڈی جانے والی جعفر ایکسپریس کو روک دیا۔
- Advertisement -
بم ڈسپوزل اسکواڈ بروقت پہنچی اور ٹریک کے دونوں جانب نصب بموں کو ناکارہ بنادیا، جس کے بعد ٹرین روانہ کردی گئی، سی سی پی او کوئٹہ عبدالرزاق چیمہ نے اطلاع دینے والوں کو انعام کی یقین دہانی کراتے ہوئے کہا کہ عوام کی مدد سے تخریب کاری کی یہ تیسری کوشش ناکام بنا ئی گئی ہے۔
