گوجرانوالہ:گدھے کا گوشت فروخت کرنے والے باپ اور اس کے دوبیٹوں کو پولیس نے رنگے ہاتھوں گرفتار کر کے ان کے قبضہ سے ایک من گوشت اوردو گدھوں کی کھالیں برآمد کر لیں ہیں۔
لدھیوالہ وڑائچ کے علاقہ قلعہ میاں سنگھ کا رہائشی عبدالرشید اپنے دو بیٹوں قیصر اور ارسلان کے ساتھ گدھے کا گوشت فروخت کرنے کے لیے تیار کر رہے تھے کہ لدھیوالہ پولیس نے اطلاع ملنے پر چھاپہ مارا اور تینوں باپ بیٹوں کو گرفتار کر لیا
پولیس نے ملزمان کے قبضے سے ایک من گدھے کا گوشت اور دو گدھوں کی کھالیں برآ مد کر کے ملزمان کے خلاف مقدمہ درج کر کے انہیں حوالات میں بند کر دیا ہے ، پولیس کا کہنا ہے کہ ملزمان کے خلاف عرصہ درازسے گدھے کا گوشت فروخت کرنے کی شکایات مل رہی تھیں۔
Comments
- Advertisement -
