کابل: گستاخانہ خاکوں کی اشاعت پر دنیا بھر میں احتجاج جاری ہے، افغانستان اور طرابلس میں فرانسیسی جریدے کیخلاف مظاہرے کیے گئے۔
گستاخانہ خاکوں کی اشاعت پر عالم اسلام بھی سراپا احتجاج ہے، افغانستان کے مختلف شہروں میں شمعِ رسالت کے پروانوں نے فرانسیسی میگزین کیخلاف مظاہرہ کیا۔
توہین آمیز خاکوں کیخلاف سب بڑامارچ کابل میں ہوا، ریلی کے شرکاء نے ہاتھوں میں پلے کارڈ اٹھائے آقا سے عقیدت و محبت کا اظہار کیا تو بچوں نے فرانس مردہ باد کے نعرہ لگا کر اپنے غم و غصے کا ظہار کیا۔
مظاہرین نے افغان صدر سے مطالبہ کیا کہ گستاخانہ خاکوں کی اشاعت پر فرانسیسی حکومت سے احتجاج کیا جائے۔
طرابلس میں بھی غلامان رسولﷺ سڑکوں پر نکل آئے اور آہانت آمیز خاکوں پر فرانسیسی جریدے کیخلاف صدائے احتجاج بلند کی، ریلی کے شرکاء نے اپنا احتجاج ریکارڈ کرانے کیلئے فرانسیسی سفارت خانے کی طرف رخ کیا۔
ریلی کے شرکاء کا کہنا تھا کہ مسلمان سب برداشت کرسکتا ہے لیکن آقا کی شان میں گستاخی نہیں۔
