ہئیر اسٹریٹنر: بالوں کیلئے انتہائی خطرناک

لندن: خوبصورت بال ہر دور میں خواتین کی کمزوری رہے ہیں اور موجودہ زمانے میں بالوں کو سیدھا اور سلکی کرنے کے لیے ہیئر اسٹریٹنر کا استعما ل تیزی سے رواج پا رہا ہے۔

تاہم گھنگریالے بالوں کو سیدھا کرنے کیلئے اسٹریٹنر استعمال کرنے والی خواتین کے لیے تشویشناک خبر یہ ہے کہ ماہرین نے اس کے متواتر استعمال کو بالو ں کے لیے نہایت نقصان دہ قرار دیا ہے، ایک حالیہ تحقیق کے مطابق روزانہ بالوں کو آئرن کرنے سے بال زیا دہ گھنگریالے ، روکھے اور کمزور ہو جاتے ہیں۔

تحقیق میں بتایا گیا ہے کہ ان اسٹریٹنرز کا درجہ حرارت دوسو ڈگری تک پہنچ جاتا ہے جبکہ ایک سو اسی سے زیادہ کا درجہ حرارت بالوں کی بیرونی سطح کے لیے نہایت نقصان دہ ثابت ہو تا ہے۔

ماہرین کا کہنا ہے کہ مو جودہ دور میں خواتین کے بال نہایت تیزی سے گر رہے ہیں جس کا اہم سبب اسٹریٹنر کا بڑھتا ہوا استعمال بھی ہے۔

Comments