یمن : سعودی اتحادی افواج کی بمباری سے مزید آٹھ افراد لقمہ اجل ہوگئے، امریکا نے انسانی بحران سے نمٹنے کے لیے رمضان المبارک میں جنگ بندی کا مطالبہ کیا ہے۔
یمن میں رمضان المبارک کے موقع پر بھی سعودی اتحادی افواج کی بمباری کا سلسلہ جاری ہے، صنعاء میں سعودی اتحادی افواج نے حوثی باغیوں کے خلاف پینتیس سے زائد حملے کیے، جس میں آٹھ شہری ہلاک جبکہ درجنوں زخمی ہوئے۔
اس قبل سعودی حملے میں ایک ہی خاندان کے ستائیس افراد کو موت کے گھاٹ اتار دیا گیا۔
اقوام متحدہ کی رپورٹ کے مطابق یمن میں سعودی اتحاد کے فضائی حملوں میں اب تک اٹھائیس سو سے زائد افراد ہلاک ہوچکے ہیں، دوسری جانب امریکی محکمہ خارجہ نے جنگ سے متاثرہ افراد کو امداد فراہم کرنے کے لیے فوری جنگ بندی کا مطالبہ کیا ہے۔
Comments
- Advertisement -