لاہور: کرنل ریٹائرڈ شجاع خانزادہ نے سابق وزیرِاعظم گیلانی اور سابق گورنر سلمان تاثیر کے مغوی بیٹوں کی افغانستان میں موجودگی کا انکشاف کر دیا۔
کرنل ریٹائرڈ شجاع خانزادہ کے مطابق سابق وزیرِاعظم گیلانی اور سابق گورنر سلمان تاثیر کے اغواء شدہ بیٹے علی حیدر گیلانی اور شہباز تاثیر اس وقت افغانستان میں ہیں، پنجاب اسمبلی میں وقفہ سوالات کے دوران انہوں نے کہا کہ سلمان تاثیر اور یوسف رضا گیلانی کے بیٹوں کی بازیابی کےلیے افغانستان کی حکومت سے رابطے میں ہیں۔
شجاع خانزادہ کا کہنا تھا کہ گذشہ دو سال کے دوران اغواء برائے تاوان کی تین سو چوبیس وارداتیں ہوئیں جبکہ اغواء کاروں کا تعلق خیبرپختونخواہ سے ہے ۔
وزیرِداخلہ پنجاب شجاع خانزادہ نے بتایا کہ لاہور میں جلد دس ہزار سے زائد سی سی ٹی وی کیمرے نصب کئے جائیں گے۔
انکا کہنا تھاکہ پنجاب میں ساڑھے بارہ سو افراد کے تحفظ کےلیے ایک کانسٹیبل ہے۔
