پاکستان عوامی تحریک کے سربراہ علامہ طاہر القادری کا کہنا ہے کہ حکومت نے ان کے خلاف کریک ڈاؤن کا آغاز کردیا ہےاور ان کی رہائش گاہ کے اطراف محاصرے کی صورتحال ہے۔
پاکستان عوامی تحریک کےسربراہ علامہ طاہر القادری نے اپنی رہائش گاہ کے باہر میڈیا سے گفتگو میں کہا کہ پر امن یوم شہداء کو یوم انقلاب بنانے کی ذمہ داری پنجاب حکومت پر عائد ہوگی ، پنجاب حکومت کی جانب سے کئے جانے والے ظالمانہ اقدامات کارکنان کے حوصلے پست نہیں کرسکتے۔
طاہر القادری کا کہنا تھا کہ اگر انہیں گرفتار کیا گیا تو ملک بھر میں خانہ جنگی کی کیفیت پیدا ہوجائےگی، علامہ طاہر القادری کا کہنا تھا کہ انہوں نے اتحادی جماعتوں کا ہنگامی اجلاس طلب کرلیا ہے جس کے بعد آئندہ کے لائحہ عمل کا اعلان کیا جائے گا۔
Comments
- Advertisement -
