The news is by your side.

Advertisement

عامر لیاقت کا انتقال: صدر اور وزیراعظم سمیت سیاسی رہنماؤں کا اظہار افسوس

کراچی: صدر مملکت،وزیراعظم ، آصف زرداری سمیت متعدد سیاسی رہنماؤں نے رکن قومی اسمبلی عامر لیاقت کے انتقال پر اظہار افسوس کیا ہے۔

تفصیلات کے مطابق صدر مملکت عارف علوی نے عامر لیاقت حسین کی ناگہانی موت پر اظہار افسوس کیا اور مرحوم عامر لیاقت کیلئے دعائےمغفرت اور بلند درجات بلندی کی دعاکی، اپنے تعزیتی پیغام میں صدر مملکت نے مرحوم کے اہل خانہ سے اظہار ہمدردی اور صبر جمیل کی دعا کی۔

وزیرِاعظم شہباز شریف نے عامر لیاقت حسین کے انتقال پر اظہارِ افسوس کرتے ہوئے اُن کے لیے دعائے مغفرت کرتے ہوئے کہا کہ اللہ تعالی مرحوم کے درجات بلند اور سوگواران کوصبرِجمیل عطا کرے۔

آصف زرداری کی جانب سے بھی ڈاکٹر عامر لیاقت کے انتقال پر اظہار افسوس کیا گیا جبکہ بلاول بھٹو نے اپنے تعزیتی پیغام میں کہا کہ عامر لیاقت نے صحافت سے لیکر سیاست تک متحرک زندگی گزاری اور مختلف شعبہ جات میں صلاحیتوں کا لوہا منوایا۔

یہ بھی پڑھیں: رکن قومی اسمبلی ڈاکٹر عامر لیاقت حسین انتقال کر گئے

بلاول بھٹو زرداری نے کہا کہ عامر لیاقت کے انتقال کی خبر سے سخت صدمہ ہوا، مرحوم کے جنت میں بلندی درجات اور سوگواران کے صبر جمیل کیلئے دعاگو ہوں۔

نائب صدر مسلم لیگ نون مریم نواز نے بھی عامر لیاقت کی فیملی سےدلی تعزیت کا اظہار کرتے ہوئے کہا کہ اللہ سےدعاگو ہوں کہ عامرلیاقت کی مغفرت فرمائے۔

اسے بھی پڑھیں: عامر لیاقت کا انتقال: قومی اسمبلی کا اہم ترین اجلاس ملتوی

سابق گورنر سندھ عمران اسماعیل نے بھی ڈاکٹر عامر لیاقت حسین کے انتقال پر افسوس کا اظہار کرتے ہوئے کہا کہ مرحوم سے اچھا تعلق رہا،عامر لیاقت نے پی ٹی آئی کیساتھ سیاسی سفر میں بھرپور کرداراداکیا۔

وزیراعلیٰ سندھ، ایڈمنسٹریٹر کراچی مرتضیٰ وہاب ، پی ٹی آئی کراچی ریجن، ایم کیو ایم پاکستان، بابر غوری ، سینیٹر فروغ نسیم ،سابق گورنر عشرت العباد خان کا بھی عامر لیاقت کےانتقال پراظہار افسوس کیا اور مرحوم کے بلند درجات کی دعا کی۔

Comments

یہ بھی پڑھیں