ایک تحقیق میں پتہ چلا کہ ہر 5 میں سے 1 شخص بیٹ مین کی خصوصیات کا حامل ہوتا ہے اور ایک خود ساختہ چوکیدار کا روپ دھار لیتا ہے۔
بین الاقوامی ویب سائٹ کے مطابق ایک تحقیق میں معلوم ہوا ہے کہ ہر 5 میں سے ایک شخص بیٹ مین کی طرح خود ساختہ چوکیدار کا روپ دھار لیتا ہے اور دوسروں کے رویوں کو روزمرہ کی بنیاد پر دیکھتا ہے اور جو اصولوں کی پیروی نہیں کرتے ان کو سزا دیتا ہے۔
یہ خصوصیت ان خود ساختہ چوکیداروں کو مخصوص مواقع پر عمل کرنے کے لیے بڑھاتی ہے جہاں ان کا خیال ہوتا ہے کہ حکام انصاف فراہم کرنے میں ناکام ہوگئے ہیں اور یہ ان کی انا کو تقویت بخشتی ہے۔
یہ خود ساختہ چوکیدار دوسروں کو سوشل میڈیا پر ان کی توہین کرتے ہوئے سزا دے سکتے ہیں۔
یونیورسٹی آف الی نوائے، یونیورسٹی آف اوٹاگو اور یونیورسٹی آف برٹش کولمبیا کے ماہرین نے یہ جاننے کے لیے کہ کون سے لوگ وجلانٹے شناخت اپناتے ہیں، ایک وجلانٹے آئیڈینٹٹی اسکیل بنایا ہے۔
یونیورسٹی آف الی نوائے میں نفسیات میں ڈاکٹریٹ کے امیدوار فین شوان چین کا کہنا تھا کہ یہ وہ لوگ ہوتے ہیں جو خود کو سزا دینے والا سمجھتے ہیں اور ماحول پر نظر رکھتے ہیں۔
انہوں نے مزید کہا کہ ان کے جوابات یہ بتاتے ہیں کہ انہیں مستقبل کے مجرموں کو سبق سکھانے کے لیے معصوموں کو سزا دینے سے کوئی مسئلہ نہیں اور یہ لوگ واجب العمل طریقے کو نظر انداز کرنے کے لیے تیار رہتے ہیں۔
ماہرین کے مطابق یہ اسکیل ان امیدواروں کی اسکریننگ کے لیے کارآمد ہوسکتا ہے جو پولیس یا ملٹری میں کام کرنا چاہتے ہوں۔
