نئی دہلی: بھارتی ریاست اتراکھنڈ میں مسافر ٹرین کے دروازے پر سانپ نکل آیا جس کی ویڈیو سوشل میڈیا پر وائرل ہوگئی۔
بھارتی میڈیا رپورٹ کے مطابق بھارتی ریاست اتراکھنڈ میں سپر فاسٹ ٹرین کے دروازے پر سانپ نکل آیا جس نے لوگوں کو خوفزدہ کردیا۔
ویڈیو میں دیکھا جاسکتا ہے کہ ٹرین کے دروازے پر 10 فٹ لمبا سانپ موجود ہے اور امدادی ٹیمیں اسے وہاں سے ہٹانے میں مصروف عمل ہیں۔
رپورٹ کے مطابق چند منٹوں کی جدوجہد کے بعد امداد ٹیموں نے سانپ کو وہاں سے ہٹاکر تمام مسافروں کو کسی قسم کے نقصان سے بچالیا۔
سماجی رابطے کی ویب سائٹ ٹویٹر پر ڈاکٹر پی ایم دھکات نے ویڈیو شیئر کی جس میں دیکھا جاسکتا ہے کہ ریلوے اسٹیشن اتراکھنڈ کے جنگلات کے ساتھ ہے اور اہلکار احتیاط سے سانپ کو کریٹ میں ڈال رہے ہیں۔
#KingCobraRescue a 10 foot King Cobra snake was rescued by the UKFD rescue team along with RFP Kathgodam Railway Station, India. Both the teams ensured safekeeping of passengers, mob, keeping the train on schedule & rescuing the animal. Later King Cobra was released in the forest pic.twitter.com/Y2I1ghc6Cl
— Dr. PM Dhakate (@paragenetics) November 23, 2019
ریسکیو حکام کا کہنا ہے کہ سانپ کو قبضے میں لینے کے بعد اسے دور دراز جنگل میں چھوڑ دیا گیا ہے۔
مزید پڑھیں: عوامی ٹرین میں سانپ، نوجوان کی بہادری نے سب کو حیران کردیا، ویڈیو وائرل
یاد رے کہ دو سال قبل انٹرنیٹ پر ٹرین کی ویڈیو وائرل ہوئی تھی ٹرین جکارتہ سے بوگور کے علاقے کی طرف جارہی تھی کہ اچانک ڈبے میں سانپ کی موجودگی کا شور سنائی دیا جس کے بعد ریل کو ہنگامی اقدامات کے تحت فوری طور پر روکا گیا۔
نوجوان نے چابق دستی سے سانپ کو دُم سے پکڑا اور ساتھ ہی اُسے زمین پر زور سے پٹخہ جس کے بعد وہ مرگیا اور پھر سانپ کو ریل کے ڈبے سے باہر پھینک دیا گیا تھا۔
