The news is by your side.

Advertisement

پی ایس ایل 7: کیا کھلاڑیوں کو فیملی ساتھ رکھنے کی اجازت ہوگی؟

کراچی: پی سی بی انتظامیہ نے پاکستان سپرلیگ سیزن 7 کو کرونا وبا سے بچانے کے لئے اہم ترین فیصلے کرلئے ہیں۔

ذرائع کے مطابق پاکستان سپر لیگ سیزن سیون کیلئے کرونا پروٹوکول تیار کئے جاچکے ہیں، کھلاڑیوں کے لئے بُری خبر ہے کہ وہ سیزن کے دوران اپنی فیملی کو ساتھ نہیں رکھ سکیں گے۔

ذرائع کے مطابق کرونا ایس او پیز کے تحت ہر کھلاڑی کے لئے 3 دن کا قرنطینہ لازمی قرار دیا گیا ہے، ایونٹ کےدوران کرونا پھیلا تو ٹورنامنٹ سات دن کیلئےملتوی ہوجائےگا، کروناپھیلنے اور ایونٹ ملتوی ہونےکی صورت میں تمام کھلاڑی سات دن قرنطینہ کریں گے۔

ذرائع کا مزید کہنا تھا کہ ہر ٹیم کے پاس 13فٹ کھلاڑی ہوئے تو میچ ہوگا، 25ریزروکھلاڑیوں کاپول بنےگا جس میں سےمتبادل کھلاڑی لیےجاسکیں گے، تمام پروٹوکول کامقصدیہ ہےکہ پی ایس ایل منسوخ نہ ہو۔

یہ بھی پڑھیں: کورونا کیسز: پی ایس ایل سے متعلق مختلف آپشنز زیرِغور

دوسری جانب کورونا کیسز میں اضافے پر پی ایس ایل سیون کے انعقاد سے متعلق بورڈ نے مختلف آپشنز ‏پرغور شروع کردیا ہے، ٹورنامنٹ کا لاہور سے آغاز اور کراچی میں اختتام کرنے بھی غور کیا جارہا ہے، سندھ حکومت بھی پی ایس ایل کا ‏آغاز لاہور سے کرانےکی خواہشمند ہے۔

پی سی بی نے پی ایس ایل کو شیڈول کے مطابق کرانے کیلئےحکومتی سطح پر رابطے کیے ہیں۔

ذرائع کا کہنا ہے کہ ایک ہی وینیو پر پی ایس ایل کرانےکا فیصلہ ہوا تو لاہور فیورٹ وینیو ہے تاہم ایونٹ سے ‏متعلق حتمی فیصلے کیلئے مسلسل مشاورت کا سلسلہ جاری ہے، واضح رہے کہ پی ایس ایل کا ساتواں ایڈیشن 27 جنوری سے کراچی میں شروع ہوگا۔

Comments

یہ بھی پڑھیں