The news is by your side.

Advertisement

“آئی پیڈ کے استعمال” نے 13 سالہ لڑکی کی جان لے لی

میلبورن : آسٹریلیا میں 13 سالہ لڑکی “آئی پیڈ استعمال” کرتے ہوئے موت کے منہ میں چلی گئی، لوسیا برغیلہ کو ایک دورہ پڑا جس میں مبتلا ہونے کے ایک ہفتہ بعد اس کی موت واقع ہوگئی۔

آسٹریلیا کے شہر میلبورن میں آئی پیڈ کے ضرورت سے زیادہ استعمال نے 13 سالہ لڑکی کی جان لے لی، لوسیا برغیلہ کو ایک دورہ پڑا جس میں مبتلا ہونے کے ایک ہفتہ بعد اس کی موت واقع ہوگئی۔

گزشتہ ہفتے اسے دورہ پڑنے کے سبب میلبورن کے موناش کلیٹن اسپتال لے جایا گیا تھا، جس کے بارے میں ڈاکٹروں نے بتایا کہ اسے ایک خطرناک دماغی دورہ پڑا ہے جس کی بڑی وجہ آئی پیڈ کا زیادہ استعمال اور نیند کی کمی ہے۔

غیر ملکی خبر رساں ادارے کے مطابق  لوسیا برغیلہ کو اپنی موت سے تین سال قبل تک معمعلی نوعیت کے دورے پڑتے تھے، جس میں اس کی آنکھوں میں جلن مچتی اور اس کا سر درد سے لرز اٹھتا تھا۔

نوعمر بچی کی ماں این فوربس اسے متعدد بار ڈاکٹروں اور آنکھوں کے ماہرین کے پاس لے گئی لیکن انہوں نے اسے یقین دلایا کہ یہ آنکھوں کی کمزوری کا معاملہ ہے،  رواں سال 29 مارچ کو نیند کے دوران لوسیا کو ایک بڑی نوعیت کا دورہ بھی پڑا تھا۔

Comments

یہ بھی پڑھیں