اترا کھنڈ: بھارت میں باراتیوں کی گاڑی کو خوفناک حادثہ پیش آگیا جس میں کم از کم 14 افراد ہلاک ہوگئے۔
بھارتی خبر رساں ایجنسی اے این آئی کے مطابق ریاست اترا کھنڈ میں باراتیوں کی گاڑی حادثے کا شکار ہوگئی، ضلع چمپاوت میں بس شادی کی تقریب سے واپس آ رہی تھی کہ راستے میں گہری کھائی میں گر گئی۔
خبر رساں ایجنسی کے مطابق حادثے میں 14 افراد ہلاک اور دو زخمی ہوگئے۔
بھارتی وزیر اعظم نرنیدر مودی نے حادثے پر افسوس کا اظہار کرتے ہوئے ہلاک شہری کے لیے فی کس 2 لاکھ جب کہ زخمیوں کے لیے 50 ہزار روپے دینے کا اعلان کیا ہے۔
#Update | Uttarakhand | 11 people died and 2 injured after the vehicle they were travelling fell into a gorge near Sukhidhang Reetha Sahib road, clarifies Kumaon DIG Nilesh Anand Bharne
— ANI UP/Uttarakhand (@ANINewsUP) February 22, 2022
دوسری جانب ریاست ہماچل پردیش کے ضلع اونا میں پٹاخے بنانے والے کارخانہ دھماکوں سے گونج اٹھا جس کے باعث علاقے میں خوف و ہراس پھیلا گیا۔
رپورٹس کے مطابق کارخانے میں دھماکوں کے نیتجے میں چھے مزدور خواتین سمیت جھلس کر ہلاک ہوگئے جب کہ گیارہ زخمی ہیں جن کی حالت تشویش ناک بتائی بتائی جاتی ہے۔
مقامی پولیس کا کہنا ہے کہ دھماکوں کی تحقیقات کر رہے ہیں۔