اسلام آباد: پاستان مسلم لیگ (ن) اور پاکستان پیپلز پارٹی کی قیادت پی ڈی ایم کے سربراہ مولانا فضل الرحمان کے ساتھ ہاتھ کر گئی ہیں۔

اے آر وائی نیوز کے مطابق ذرائع کا کہنا ہے کہ صدر مملکت کے بعد خیبر پختونخوا گورنر کا عہدہ بھی جمیعت علماء اسلام (ف) کے ہاتھ سے نکل گیا۔

ذرائع کے مطابق مسلم لیگ (ن) جمیعت علماء اسلام (ف) کو خیبر پختون خوا کے گورنر کا عہدہ دینے سے معذرت کرلی ہے۔ مسلم لیگ (ن) نے گورنر  کا عہدہ اپنے پاس رکھنے کا فیصلہ کیا ہے۔

ذرائع کا مزید کہنا ہے کہ پیپلز پارٹی اور جے یو آئی گورنر خیبر پختون خوا کے عہدے کے لیے امیدوار تھیں۔ ن لیگ نے پی پی کو آئینی عہدے ملنے پر گورنر کے پی کے لیے معذرت کی۔

جے یو آئی کو وزارتیں اور ڈپٹی اسپیکر ملنے پر گورنر کے لیے معذرت کی گئی ہے۔