The news is by your side.

Advertisement

وزیراعظم سے ہالینڈ کے ہم منصب کا رابطہ ، افغانستان کی صورت حال پر گفتگو

اسلام آباد: وزیراعظم عمران خان کا کہنا ہے کہ افغان عوام کےحقوق کا تحفظ انتہائی اہم ہے، جامع،سیاسی،تصفیہ ہی افغانستان میں آگےبڑھنےکاراستہ ہے۔

تفصیلات کے مطابق انہوں نے ان خیالات کا اظہار ہالینڈ کے ہم منصب سے دوران ٹیلی فونک گفتگو میں کیا، وزیراعظم عمران خان کا کہنا تھا کہ افغانستان معاملے پر پاکستان خطےمیں پیشرفت کوقریب سےدیکھ رہاہے، پاکستان علاقائی،عالمی شراکت داروں سے رابطےمیں ہے۔

وزیراعظم عمران خان نے واضح کیا کہ افغان عوام کےحقوق کا تحفظ انتہائی اہم ہے، جامع،سیاسی،تصفیہ ہی افغانستان میں آگےبڑھنےکاراستہ ہے،افغانستان میں امن کے لئے پاکستان علاقائی،عالمی شراکت داروں سےرابطےمیں ہے۔

یہ بھی پڑھیں: وزیراعظم سے ترک صدر کا رابطہ؛ افغانستان کی صورتحال پر گفتگو

ہالینڈ کے ہم منصب سے ٹیلی فونک گفتگو میں وزیر اعظم کا کہنا تھا کہ پاکستان افغانستان سےسفارتی عملےکےانخلا میں تعاون کررہا ہے۔

اس موقع پر ہالینڈ کے ہم منصب نے پاکستان کی جانب سے انخلا کی کوششوں کو سراہا، ہالینڈ کے وزیراعظم نے پاکستان کی فراہم کی گئی مدد اورسہولت پر شکریہ بھی اداکیا،دونوں رہنماؤں نےمختلف شعبوں میں باہمی تعاون بڑھانےپرتبادلہ خیال کیا۔

Comments

یہ بھی پڑھیں