لاہور : سال 1965کی پاک بھارت جنگ میں پاکستان کی بہادر افواج نے بھارت کو ناکوں چنے چبوادیئے۔ہر کوئی اپنے اپنے انداز میں وطن عزیز کے لئے قربانی دینے کوبے قرار تھا۔اس دوران فنکاروں اور گلوکاروں کا کردار بھی قابل دید رہا۔
تفصیلات کے مطابق انیس سو پینسٹھ کی جنگ میں ملکہ ترنم نورجہاں کے گیتوں نے پاکستانی افواج اور عوام کے ملی جذبے کوپروان چڑھایا۔1965کی پاک بھارت جنگ میں ملکہ ترنم نور جہاں کو سب سے زیادہ ملی ترانے ریکارڈ کرانے کا اعزاز حاصل ہوا۔
جنگ کے پرجوش لمحات میں ملکہ ترنم نور جہاں کے گیت نشر ہوتے تو میدان جنگ میں لڑنے والے پاک افواج کے جوانوں کے حوصلے بلند ہوجاتے، ساتھ ہی عوام پر بھی وجد طاری ہوجاتااور ہر کوئی میدان جنگ کی طرف چل دیتا۔
سونگ : اے وطن کے سجیلے جوانوں میرے نغمے تمہارے لئے ہیں۔۔۔۔۔۔ میرا ماہی چھیل چھبیلا۔۔۔۔۔ہائے نی کرنین نی جرنیل نی۔۔۔۔۔ زندہ ہے لاہور پائندہ ہے لاہور۔۔۔۔۔ اے پتر ہٹاں تے نیں وکدے توں لبدی پھریں بازار کڑے۔۔۔۔۔۔
ملکہ ترنم نور جہاں نے اپنے ملی نغموں سے جارح بھارتی فوج کو وطن کی حفاظت کرتی ہوئی غیور قوم کا پیغام دیا۔ سیالکوٹ تو زندہ رہے گا تو زندہ رہے گا۔۔۔۔ میرا سوہنا شہر قصور نی ۔۔۔۔۔۔۔ اے میریا ڈھول سپاہیا وے تینوں رب دیاں رکھاں
انیس سو پیسنٹھ کی پاک بھارت جنگ میں جہاں میڈم نور جہاں کے گیتوں نے پاک افواج کے حوصلوں اور جذبوں کو بڑھایا وہیں شہنشاہ غزل مہدی حسن،مسعود رانا، مہناز بیگم نے بھی اپنے گیتوں سے فوجی جوانوں کے حوصلے بلند کئے۔
War song Ae watan ke sajiile jawaano by noor jehan by ptv99999999
