دبئی: متحدہ عرب امارات کے شہر دبئی میں ٹریفک حادثہ پیش آیا جس کے نتیجے میں 2 افراد جاں بحق اور 5 زخمی ہوگئے۔
عرب میڈیا کے مطابق دبئی کے شیخ راشد روڈ پر تیز رفتار وین حادثے کا شکار ہوئی جس کے نتیجے میں خاتون سمیت 2 افراد جاں بحق اور پانچ زخمی ہوگئے، زخمی ہونے والوں میں چار خواتین شامل ہیں۔
دبئی پولیس کے مطابق خاتون اور مرد کو شدید چوٹیں آئی ہیں، دیگر زخمیوں کی حالت خطرے سے باہر ہیں جن میں چار خواتین شامل ہیں، حادثہ وین کا ٹائر پھٹنے کے سبب پیش آیا، وین میں 7 مسافر سوار تھے، وین شیخ راشد روڈ سے گرہوڈ ٹنل کی طرف رواں دواں تھی۔
#أخبار | وفاة شخصين وإصابة 5 في حادث انفجار إطار حافلة على شارع الشيخ راشد بدبي
التفاصيل:https://t.co/1myfMUWzvl#شرطة_دبي#أمنكم_سعادتنا#نتواصل_ونحمي_نبتكر_ونبني pic.twitter.com/GB2Q40DvLx
— Dubai Policeشرطة دبي (@DubaiPoliceHQ) September 17, 2018
دبئی پولیس کے مطابق حادثے کی اطلاع صبح 9 بجکر 42 منٹ پر موصول ہوئی، وین ٹائر پھٹنے کے سبب دیوار سے جاٹکرائی، حادثے میں زخمی ہونے والوں کو شیخ راشد اسپتال منتقل کیا گیا۔
بریگیڈیئر علی احمد عبداللہ کا کہنا ہے کہ ڈرائیورز ٹریفک قوانین کی پاسداری کریں اور روزانہ کی بنیاد پر گاڑیوں کی مینٹینس چیک کریں، جس کے سبب حادثات سے محفوظ رہا جاسکتا ہے۔
