کیلیفورنیا : ریو وسٹا میونسپل ہوائی اڈے کے قریب ایک طیارہ گر کر تباہ ہوگیا، حادثے میں دو افراد موقع پر ہی ہلاک ہوگئے۔
غیرملکی خبر رساں ادارے کی رپورٹ کے مطابق امریکی ریاست کیلیفورنیا کے ریو وسٹا میونسپل ہوائی اڈے کے قریب جمعرات کی صبح ایک انجن والا طیارہ گرنے سے دو افراد ہلاک ہوگئے۔
ریو وسٹا کے فائر ڈپارٹمنٹ کے حکام نے بتایا ہے کہ فائر فائٹرز نے شمالی کیلیفورنیا کے سولانو کاؤنٹی میں ہوائی اڈے سے تقریباً ایک میل مشرق میں حادثے کی جگہ پر طیارے کے اندر دو افراد کو مردہ پایا۔
NTSB is investigating the crash of a Experimental Sky Bolt near Rio Vista, California.
— NTSB Newsroom (@NTSB_Newsroom) June 8, 2023
ایجنسی نے ایک ٹویٹ میں کہا کہ نیشنل ٹرانسپورٹیشن سیفٹی بورڈ نے طیارے کو تجرباتی اسکائی بولٹ کے طور پر شناخت کیا ہے اور وہ حادثے کی تحقیقات کر رہا ہے۔ تجرباتی ایئرکرافٹ ایسوسی ایشن کے مطابق، اسٹین اسکائی بولٹ طیارے ایک کٹ سے بنائے گئے چھوٹے ایروبیٹک طیارے ہیں۔