The news is by your side.

Advertisement

پمز اسپتال کے 2 ڈاکٹرز میں کرونا وائرس کی تصدیق

اسلام آباد: طبی عملے پر بھی کرونا وائرس کے وار جاری ہیں، پمز اسپتال کے 2 ڈاکٹرز میں بھی کو وِڈ نائنٹین کی تصدیق ہو گئی ہے۔

اے آر وائی نیوز کے مطابق پاکستان انسٹیٹیوٹ آف میڈیکل سائنسز اسلام آباد کے دو ڈاکٹرز میں بھی کرونا وائرس کے ٹیسٹ مثبت آ گئے ہیں، پمز ذرایع کا کہنا ہے کہ کرونا کی تصدیق پر متاثرہ ڈاکٹرز کو آئسولیٹ کر دیا گیا ہے۔

دو ڈاکٹرز میں کرونا کی تصدیق پر پمز اسپتال اسلام آباد کے دیگر ڈاکٹرز کے ٹیسٹ کا بھی فیصلہ کیا گیا ہے۔

گزشتہ روز حیات آباد میڈیکل کمپلیکس پشاور میں بھی ایک ٹرینی میڈیکل آفیسر میں کرونا کی تشخیص ہوئی تھی، پی ڈی اے کے مطابق ڈاکٹر واجد علی کو حیات آباد اسپتال میں آئسولیٹ کیا گیا، ڈاکٹر واجد کا کہنا تھا کہ وہ صحت یابی کے بعد پھر فرنٹ لائن پر لڑیں گے۔

جاں بحق ہیلتھ ورکرز کو شہید کے برابر امدادی پیکیج دینے کا اعلان

گزشتہ روز ایبٹ آباد کے ایوب میڈیکل کمپلیکس کے ایک اور ڈاکٹر میں بھی کرونا کی تشخیص ہوئی تھی، ادارے کے میڈیکل ڈائریکٹر احسن اورنگزیب کا کہنا تھا کہ ایوب میڈیکل کمپلیکس میں کرونا سے متاثرہ ڈاکٹروں کی تعداد 4 ہو گئی ہے۔

کراچی اور راولپنڈی میں میڈیکل آفیسرز کرونا وائرس سے متاثر

ادھر کوئٹہ میں ایم ایس فاطمہ جناح اسپتال سمیت 29 ڈاکٹر کرونا کا شکار ہو چکے ہیں، گزشتہ روز ینگ ڈاکٹرز نے متاثرہ ڈاکٹرز اور ہیلتھ کیئر ورکرز کی فہرست جاری کی تھی، جس کے مطابق 5 ہیلتھ کیئر ورکرز بھی کرونا وائرس سے متاثر ہوئے ہیں، جب کہ سینئر فارماسسٹس سِول اسپتال کرونا وائرس سے جاں بحق ہوئے۔ خیال رہے کہ ملک میں کرونا سے تاحال 3 ہیلتھ پروفیشنلز جاں بحق ہو چکے ہیں۔ 25 اپریل کو 24 گھنٹوں کے دوران ملک میں 26 ڈاکٹروں اور 5 نرسوں میں کرونا وائرس کی تصدیق کی گئی تھی۔

Comments

یہ بھی پڑھیں