واشنگٹن: امریکی ریاست ٹیکساس میں 2 سالہ کمسن بچی کی لاش زیرزمین پانی کے ’’سیپٹک ٹینک‘‘ سے برآمد ہوئی ہے۔
غیرملکی خبررساں ادارے کی رپورٹ کے مطابق ننھی بچی پارک کے اطراف سیر کررہی تھی کہ اچانک 15 فٹ گہرے سیپٹک ٹینک میں جاگری۔ بچی کی لاش نکال لی گئی۔
واقعے کا علم ہونے کے بعد خاندان کے افراد اور عینی شاہدین بچی کی مدد کے لیے پہنچے۔ ریسکیو عملے کا ایک اہلکار رسی کی مدد سے ٹینکی کی تہہ تک پہنچا اور لاش نکالی۔
حادثے کے بعد تقریباً ایک گھنٹے تک بچی کی لاش سیپٹک ٹینک میں ہی پڑی رہی۔
ریسکیو عملے نے انتہائی افسوس کا اظہار کرتے ہوئے کہا کہ ہمارے پہنچنے سے پہلے ہی بچی ہلاک ہوچکی تھی سیپٹک ٹینک تنگ ہونے کے باعث لاش نکالنے میں بھی بہت سی دشواریوں کا سامنا کرنا پڑا۔
چائیلڈ پروٹیکشن ترجمان کا کہنا ہے کہ اس طرح کے تین کیسز ماضی میں بھی ریکارڈ کیے گئے۔
Comments
- Advertisement -
