نئی دہلی: بھارتی ریاست اڑیسہ میں 3 ٹرینوں کے خوف ناک تصادم میں ہلاکتوں کی تعداد 300 ہو گئی ہے۔
تفصیلات کے مطابق بھارت میں گزشتہ ایک دہائی سے زیادہ کے عرصے میں ہونے والے ٹرین حادثوں کے سب سے خوف ناک حادثے میں ہلاکتوں کی تعداد تین سو ہو گئی ہے، جب کہ ایک ہزار سے زیادہ لوگ زخمی ہیں۔
اڑیسہ میں جائے وقوعہ پر دوسرے روز بھی ریسکیو آپریشن جاری ہے، زخمیوں سے اسپتال بھر گئے ہیں، افسوس ناک بات یہ ہے کہ بد ترین ٹرین حادثے کے بعد لاشوں کی بے حرمتی کے مناظر نے لوگوں کے دل دہلا دیے ہیں۔
لاشیں ایمبولنس میں لے جانے کی بجائے مال گاڑی میں لادی گئیں، امدادی کارروائیوں کے لیے ایک ایمبولنس تک میسر نہیں آ سکی لیکن وزیر اعظم نریندر مودی خود ہیلی کاپٹر میں دورہ کرنے آئے۔
At least 288 are dead and 1,000 are injured in fatal train collision in #Odisha, #India one of the worst train disasters in years. May God Have Mercy For All them Best wishes, Get well Soon#IndianRailways #TrainAccidentInOdisha #TrainAccident #SpiderVerse pic.twitter.com/aIJJ0vy607
— Arnab Singh (@arnabsingh01) June 4, 2023
وزیر اعظم مودی نے ٹرین حادثے کے ذمہ داروں کو سخت سزائیں دینے کا وعدہ کیا، دوسری جانب اپوزیشن رہنما بھارتی وزیر اعظم اور وزیر ریلوے سے مستعفی ہونے کا مطالبہ کر رہے ہیں، اس حادثے پر امریکی صدر جو بائیڈن اور وزیر اعظم پاکستان میاں شہباز شریف نے بھی افسوس کا اظہار کیا۔
واضح رہے کہ مسافر ٹرینوں میں قریباً 2 ہزار لوگ سوار تھے۔
