لاہور: مسلم لیگ ن سے تعلق رکھنے والی ثانیہ مرزا پاکستان کی تاریخ کی کم عمرترین رکن اسمبلی بن گئیں۔
تفصیلات کے مطابق 25 جولائی 2018 کو ہونے والے عام انتخابات میں جہاں بڑے بڑے برج الٹ گئے وہیں انتخابات میں بہت بڑی تعداد میں نئے چہرے منتخب ہوکر سامنے آئے، ثانیہ عاشق بھی انہیں میں سے ایک ہے۔
مسلم لیگ ن سے تعلق رکھنے والی 25 سالہ ثانیہ عاشق پنجاب اسمبلی میں حلف اٹھانے کے بعد پاکستانی تاریخ کی کم عمرترین ایم پی اے بن گئیں۔
Recitation of these powerful words puts a heavy responsibility on one’s shoulders. I will try my best to serve the people of Punjab from this prestigious platform of Punjab Assembly & come up to the expectations of my party PMLN. May Allah Almighty help & guide me! pic.twitter.com/onEexEx8hU
— Sania Ashiq (@SaniaaAshiq) August 15, 2018
پنجاب اسمبلی میں گزشتہ روز نو منتخب ارکان اسمبلی کے ساتھ حلف اٹھانے کے بعد ثانیہ عاشق نے اس عزم کا اظہار کیا کہ وہ خواتین کو بااختیار بنانے کے حوالے سے ایوان میں آواز اٹھاتی رہیں گی۔
ثانیہ مرزا کا کہنا تھا کہ وہ ان تمام منصوبوں کو وسیع پیمانے پرعوامی دلچسپی کے لیے بڑھانے اور فروغ دینے کی کوشش کریں گی، خاص طور پروہ منصوبے جو مسلم لیگ ن نے خواتین آبادی کے لیے شروع کیے تھے۔
واضح رہے کہ پنجاب اسمبلی میں 72 خواتین منتخب ہوکر ایوان میں آئی ہیں جن میں 5 جنرل نشتوں پر66 مخصوص نشستوں پرجبکہ ایک رکن کا انتخاب اقلیتی نشست پرہوا ہے۔