The news is by your side.

Advertisement

انگلش ٹی ٹوئٹنی ٹورنامنٹ، محمد رضوان آتے ہی چھاگئے

پاکستان کرکٹ ٹیم کے وکٹ کیپر بیٹر محمد رضوان نے انگلینڈ میں ہونے والے ٹی ٹوئنٹی ٹورنامنٹ ویٹالیٹی بلاسٹ میں اپنے ڈیبیو کو یادگار بنالیا ہے۔

تفصیلات کے مطابق محمد رضوان ٹی ٹوئنٹی ویٹالیٹی بلاسٹ میں سیسکس کی نمائندگی کررہے ہیں، جہاں انہوں نے گلمورگن کے خلاف ڈیبیو میچ میں 81 رنز ناٹ آؤٹ کی ناقابل شکست اننگز کھیلی اور اپنی ٹیم کے مجموعے کو قابل قدر مجموعے تک پہنچانے میں کلیدی کردار ادا کیا۔

قومی ٹیم کے وکٹ کیپر بیٹر کی ڈیبیو اننگز میں تین بلند وبالا چھکے اور چھ چوکے شامل تھے، اس کے ساتھ ہی ٹی ٹوئنٹی ویٹالیٹی بلاسٹ ڈیبیو پر سب سے بڑا اسکور کرنے والے پاکستانی  بنے۔

اس سے قبل عمر اکمل نے دو ہزار پندرہ میں لیسٹر شائر کی نمائندگی کرتے ہوئے ٹی ٹوئنٹی ویٹالیٹی بلاسٹ ڈیبیو پر ناقابلِ شکست 76 رنز کی اننگز کھیلی تھی۔

یہ بھی پڑھیں: آئی سی سی ایوارڈ حاصل کرنے پر محمد رضوان نے کیا کہا؟

واضح رہے کہ انٹرنیشل کرکٹ کونسل (آئی سی سی) کی جانب سے پاکستان کے وکٹ کیپر اور اوپننگ بیٹر محمد رضوان کو ’ٹی ٹوئنٹی کرکٹر آف دی ایئر کے ایوارڈ سے نوازا جاچکا ہے۔

یاد رہے کہ سال دو ہزار اکیس محمد رضوان کے لیے یادگار ترین سال ثابت ہوا تھا، جس میں انہوں نے 29 بین الاقوامی ٹی ٹوئنٹی میچوں میں پاکستان کی نمائندگی کرتے ہوئے ایک سنچری اور 12 نصف سنچریوں کی مدد سے 1326 رنز بنائے تھے، جو گذشتہ سال کسی بھی بیٹسمین کے بنائے گئے سب سے زیادہ رن تھے۔

Comments

یہ بھی پڑھیں